昨晚有種身心倦透了的感覺，不其然會因為intel-u 完了，而更覺得大學生活都要完了的感覺。
intel-u 的勝利，令我的畢業畫上一個完美的句號，但美中不足的事，我還是不想完結，我想繼續打波，我想有更大的進步，我想打多很多很多精彩的比賽，我享受每一次緊張到睡不著的心情，我享受每一次有人教我新野的時候，我享受每次打完波之後，大家一起去玩的時間，享受我的人生，滿意自己表現的感覺，雖然我都有error的時候，但我會接受人總會有錯的時候，正如，當其他人都有error的時候，我都不會指責，因為這樣的事，是誰都不想的。
雖然johnjohn仍然覺得我打波個樣好似發緊夢，所以我企親向邊都好緊張，如果可以對我放鬆一點，我的表現會更好。不過我沒有時間令他相信我唔係發緊夢，發緊夢又怎可以「執賓殺一」，哈哈，其實johnjohn一直覺得我執唔到賓，不過今次我終於可以證明俾佢睇我係執到的，仲殺得好靚呀，係exactly尋晚徐非教我個個form!果然有用，多謝!!!!仲有呀 ，賓波，其實johnjohn講過:「阿思賓波好似食生菜咁。」不過尋晚打friendly個時，我又賓唔到，我今次可以成功睇明佢既signal，賓到，又上到壘，哈哈，真係好開心!!!!
大error.....其實我覺得我有多野都盡左力了。雖然johnjohn最後都讚我可以完全唔理個error，可以pick up 返，之後打得更好(其實我真係聽錯johnjohn講野，所以我唔覺得係咩大錯，只不過係人地覺得好大error)。個個咁既error，就留俾johnjohn 噴血啦，可能因為我同johnjohn的性格不太夾，一個太火爆，一個太怕人在場上呼喝，好記得上次打籃球時，人地一叫我個名，我就好緊張，搶了隊友的波，我其實是喜歡靜靜地打波的人，不過我都會盡力配合別人想要士氣這個理據的。
其實今年好開心，打得好左好多係因為可以之前就知道自己打咩位(雖然一直都係打一壘)，哈哈，有得同我的隊夾，又可以同佢地frd埋，尤其lucci ，好開心可以同佢地好快地成為朋友，好難得可以咁快同一個人咁熟，哈哈，佢個人真係幾得意，gigi係個俾到人信心的人，好快我地的新fielding又好有默契了，這完全係因為我地可以成日在球場上互相支持。記得個場輸左俾hku的個場波，我仲未同佢好熟架，之後就好好玩了。所以，gathering係好重要的。
當然仲有，理君啦，佢令我學到好多野，所以選最有價值球員的時候，我諗都無諗就選佢，人地係唔會明白佢教過我d咩，但係每一次上場打波，佢都會提點我一些我之前不知道的事。很神奇，打一壘打極都原來有d野我係唔識的，佢可以在場上教到其他隊員野，是她之所以咁有價值的一個原因。這就是她比我們任何一個都出色的原因。
當然，還是很喜歡softball，不想這樣跟它道別。多謝nomon，其實佢做隊長係做得好好，可以好嚴格地對我們，(雖然人人都不喜歡嚴格，不過嚴師出高徒，最後都把懶散的我們凝聚在一起。)為我地付出左比其他球員都多的時間和心機，亦主動把理君帶到我們的球隊，成為她的朋友，令她可以開心和我們合作。
kitty ，bon，阿石，一起三年的波友，哈哈!我們的願望都完成了。kitty同阿石，我知道你有唔開心，不過唔緊要啦，這始終是一個很好的句號。
